Ushtria nigeriane shpëton dhjetëra vajza të rrëmbyera nga Boko Harami

Afrika

Ushtria nigeriane shpëton dhjetëra vajza të rrëmbyera nga Boko Harami

Më: 22 shkurt 2018 Në ora: 07:32
Militantët e Boko Haramit kanë rrëmbyer mbi 270 vajza nga një shkollë në qytetin Çibok të Nigerisë në vitin 2014.

Ushtria e Nigerisë tha se ka shpëtuar 76 vajza, të cilat janë zhdukur gjatë një sulmi të grupit militant Boko Garam në një fshat verilindor të këtij vendi.

Gazeta Daily Post e Nigerisë tha se nxënëset janë shpëtuar në fshatin Jilli Muvarti dhe se disa të tjera mund të jenë ende të zhdukura.

Boko Haram ka sulmuar qytezën Dapçi më 19 shkurt.

Sulmi ka ndodhur katër vjet pasi militantët kanë rrëmbyer mbi 270 vajza nga një shkollë në qytetin Çibok.

Vetëm 60 prej nxënëseve të rrëmbyera në Çibok në prill të vitit 2014 janë arratisur. Disa të tjera janë liruar pas ndërmjetësimeve, por besohet se disa prej tyre janë ende në robëri.

Boko Haram ka nisur kryengritjen në Nigeri qysh në vitin 2009. Mbi 20,000 njerëz janë vrarë dhe dy milionë të tjerë janë zhvendosur si pasojë e dhunës.

Sot mund të lexoni Shfletoni kopertinat